Deddfwriaeth
Mae deddfwriaeth yn chwarae rôl enfawr mewn busnesau ac yn ymwneud â nifer o agweddau o’u gweithgareddau.
Mae rhai deddfau a rheoliadau yn neilltuol ar gyfer diwydiannau arbennig, e.e. bydd tai bwyta neu gaffis yn gorfod cydymffurfio â deddfau trin bwyd tra bod salonau gwallt yn gorfod sicrhau eu bod yn cydymffurfio â deddfau iechyd a diogelwch ac yn y blaen. Felly mae’n bwysig bod busnesau yn ymwybodol o’r deddfau sy’n effeithio arnyn nhw yn benodol a deddfwriaeth gyffredinol sy’n effeithio ar bob busnes, e.e. Deddf Cydraddoldeb 2010.
Cliciwch ar y gwahanol feysydd deddfwriaeth i weld mwy o fanylion:
Deddfwriaeth Bwyd
Cliciwch yma i weld cyngor yr Asiantaeth Safonau Bwyd ynglŷn â’r pethau i’w hystyried wrth ddechrau busnes bwyd:
Munud i feddwl
Cliciwch ar y ddolen i fynd at dudalen sgôr hylendid bwyd yr Asiantaeth Safonau Bwyd:
Edrychwch am sgôr eich hoff dŷ bwyta. Ydych chi’n hapus gyda’r sgôr?
Mae’n rhaid i fusnesau yng Nghymru ddangos eu sgôr hylendid yn amlwg yn eu lleoliad. Pam mae cael sgôr hylendid uchel yn bwysig? (Ystyriwch safbwynt y busnes a safbwynt y cwsmer.)
Iechyd a Diogelwch yn y Gwaith
Deddf Iechyd a Diogelwch yn y Gwaith 1974 yw’r brif ddeddf iechyd a diogelwch ac mae’n berthnasol i bob lleoliad gwaith yn y DU o’r lleiaf i’r mwyaf.
Mae’n rhaid i bob lle gwaith gydymffurfio â’r Ddeddf ond hefyd mae’n rhaid iddynt arddangos poster iechyd a diogelwch yr Awdurdod Gweithredol Iechyd a Diogelwch mewn lle amlwg.
Munud i feddwl
Dilynwch y ddolen at y poster iechyd a diogelwch:
Mae’n rhaid i gyflogwyr arddangos y poster mewn lle ble gall gweithwyr ei ddarllen. Pam?
Gallwch ddarllen mwy am ddyletswyddau iechyd a diogelwch yn y gwaith fan hyn:
Munud i feddwl
Gwyliwch y fideo isod.
Pa effaith gafodd damwain Beca Glyn arni hi ac ar y busnes?
Rheoliadau Diogelu Data Cyffredinol (RhDDC)
Mae Rheoliadau Diogelu Data Cyffredinol yn ymwneud â’r wybodaeth y mae busnesau yn gallu ei chadw am bobl. Mae’n cynnwys gwybodaeth am gwsmeriaid yn ogystal â gweithwyr.
Gallwch ddysgu mwy am y rheoliadau fan hyn:
Hawliau Cyflogaeth
Mae hawliau cyflogaeth ar gael i ddiogelu pobl mewn gwaith. Mae’n hanfodol bod unrhyw fusnes sy’n cyflogi pobl yn deall eu cyfrifoldebau tuag at y bobl y maent yn eu cyflogi.
Mae nifer o’r hawliau yn deillio o hawliau dynol. Gwyliwch y fideo i ddysgu mwy:
Cliciwch ar y ddolen i weld rhai o’r pethau y bydd angen i fusnesau eu hystyried wrth gyflogi pobl am y tro cyntaf:
Cyflogi eich gweithiwr cyntaf materion cyfreithiol
Darllenwch grynodeb o hawliau pobl yn y gwaith fan hyn:
Hawliau Defnyddwyr
Mae hawliau defnyddwyr yn ymwneud â hawliau wrth brynu nwyddau neu wasanaethau ac yn ymwneud ag ansawdd nwydd, rheoliadau prynu ar-lein ac yn y blaen.
Cliciwch ar y ddolen i ddarganfod mwy: