Ffynonellau cyllid mewnol

Ystyr ffynonellau mewnol yw’r arian sydd yn y busnes neu sy’n cael ei greu gan y busnes.

Elw a gedwir

Dyma’r elw y mae’r busnes yn ei wneud. Mae’r elw yn gallu cael ei ddosbarthu i’r perchnogion neu ei roi yn ôl i mewn i’r busnes er mwyn ei ddatblygu.

Asedau cyfredol net

Asedau cyfredol net (neu gyfalaf gweithiol) yw asedau cyfredol (stoc, dyledwyr, arian yn y banc) tynnu rhwymedigaethau cyfredol. Mae’n arian sydd gan y busnes i dalu ei ddyledion o ddydd i ddydd.

Gwerthu asedau

Gall busnes rhyddhau cyllid drwy werthu asedau fel offer a chyfarpar. Ond mae’n rhaid sicrhau nad oes angen yr asedau er mwyn rhedeg y busnes.