Modiwl 5: Rheoli ansawdd

Technegau ac offer rheoli ansawdd

Rheoli ansawdd

Mae rheoli ansawdd yn ymwneud â phrofi nwydd i sicrhau ei fod yn cydymffurfio â meincnodau ansawdd. Mae’n gallu bod yn rhan bwysig o system sicrhau ansawdd ond mae system rheoli ansawdd yn ymwneud â mwy na phrofi ar ddiwedd y daith. Mae’n ymwneud â sicrhau ansawdd drwy gydol y broses o weithgynhyrchu nwyddau.

Gweithgynhyrchu darbodus

Mae gweithgynhyrchu darbodus yn ddull o weithgynhyrchu yn yr amser lleiaf posib, yn ogystal â lleihau gwastraff yn ystod y broses. Gan fod diffygion yn creu gwastraff, mae rheoli ansawdd yn rhan bwysig o’r cysyniad. Gallwch ddysgu mwy am weithgynhyrchu darbodus fan hyn:

Munud i feddwl

Gwyliwch y fideo isod.

Dull o gael gwared ar beth yw system ddarbodus Toyota?

Beth arall sy’n allweddol i lwyddiant Toyota?

Chwe Sigma

Mae Chwe Sigma yn system rheoli ansawdd sy’n canolbwyntio ar dechnegau ac offer i wella prosesau busnes. Mae’r broses yn dechrau gyda thîm yn dewis proses i ganolbwyntio arno ac yn diffinio’r broblem. Mae’r tîm yn creu meincnod trwy fesur perfformiad presennol ac yn darganfod ble mae ffactorau sy’n llesteirio perfformiad. Yna mae’r tîm yn dadansoddi pob mewnbwn i weld pa un ohonynt sy’n creu’r broblem.

Ar ôl i’r broblem gael ei darganfod, maen nhw’n rhoi prosesau ar waith i ddatrys y broblem. Yna maent yn rhoi rheolau yn y broses fel nad yw’n gallu digwydd eto.

Munud i feddwl

Sut mae system Chwe Sigma yn helpu busnesau?

Pam mae’r dull hwn yn bwerus?