About Lesson
Effaith cymhelliant ar berfformiad busnes
Mae busnesau yn ceisio rhoi’r theorïau hyn ar waith drwy sicrhau bod gweithwyr yn derbyn beth sy’n mynd i’w cymell.
Cymhelliant ariannol
Yn sicr mae ffactorau ariannol yn cymell pobl i ryw raddau felly mae busnesau yn ceisio defnyddio arian a thâl fel cymhelliant. Er enghraifft, mae rhai pobl yn cael cyflog sy’n dibynnu ar y nifer o oriau a weithiwyd, lle mae eraill yn cael eu talu yn ôl faint o waith y maen nhw’n ei wneud, e.e. mae gyrwyr ar gyfer cwmnïau fel Deliveroo yn cael eu talu yn ôl faint o fwyd sy’n cael ei ddosbarthu.
Cymhelliant anariannol
Fodd bynnag, mae bron pob un o’r damcaniaethwyr yn gytûn bod pethau heblaw arian yn cymell pobl, e.e. i Maslow mae cariad a pherthyn a pharch yn rhai o’r pethau hyn. Dyna pam mae busnesau hefyd yn cynnig buddion eraill er mwyn ceisio denu a chymell gweithwyr, megis cynlluniau iechyd, gwobrau staff ac yn y blaen.
Munud i feddwl
Dilynwch y ddolen i weld buddion gweithio i Gyngor Sir Gwynedd
Edrychwch ar y buddion y mae’r Cyngor yn eu cynnig i’w gweithwyr.
Nodwch os ydynt yn ariannol neu’n anariannol.