Gwybodaeth a gynhyrchir gan feddalwedd ar gyfer gwneud penderfyniadau mewn busnes

Systemau gwybodaeth rheoli

Mae rhaglenni gwybodaeth gyfrifiadurol yn bwysig iawn mewn busnes. Ceir nifer o fathau gwahanol o systemau cyfrifiadurol sy’n gallu helpu i reoli prosesau busnes amrywiol.

Er enghraifft,

Systemau rheoli stoc
Systemau rheoli adnoddau dynol
Systemau ariannol a chyfrifo
Systemau gwybodaeth myfyrwyr

…a llawer mwy, gan gynnwys systemau arbenigol ar gyfer busnesau penodol.

Rheoli prosiect

Mae prosiectau busnes yn gallu bod yn gymhleth gan gynnwys nifer o bobl, timoedd ac adnoddau. Mae angen sicrhau bod pawb yn gwybod beth sydd angen ei wneud a phryd, yn ogystal â sicrhau bod yr adnoddau cywir yn y llefydd cywir er mwyn i bobl allu gwneud eu gwaith. Gellir defnyddio systemau fel dadansoddiad rhwydwaith a siartiau Gantt er mwyn trefnu’r prosiect.

Cliciwch ar y penawdau isod i ddysgu mwy:

Dadansoddiad rhwydwaith a llwybrau critigol

Mae dadansoddiad rhwydwaith a llwybr critigol yn ffordd o ddarlunio’r prosesau a’r gweithgareddau ddylai ddigwydd er mwyn cwblhau prosiect. Mae’r dadansoddiad llwybr critigol yn ffordd o ychwanegu amseroedd i’r diagram rhwydwaith er mwyn gweld pa mor hir fydd tasgau’n ei gymryd a dadansoddi pa dasgau sy’n gritigol er mwyn i brosiect gael ei gwblhau yn brydlon.

Gallwch ddarllen mwy fan hyn:

Dadansoddiad Llwybr Critigol

Siartiau Gantt

Mae siartiau Gantt hefyd yn system sy’n ceisio sicrhau bod prosiect yn cael ei gwblhau ar amser. Y tro hwn nodir y tasgau ar ffurf bariau ar galendr.

Darllenwch y blog i ddysgu mwy am siartiau Gantt:

Beth yw Siart Gantt

Offer ariannol

Mae angen i fusnesau wneud penderfyniadau ariannol.

Gellir defnyddio dulliau i helpu i wneud penderfyniadau ariannol hefyd, er enghraifft:

Gwerth presennol net
Llif arian disgowntiedig
Cyfradd adennill mewnol

Gwerth presennol net

Mae gwerth presennol yn cyfeirio at werth cyfredol, heddiw, swm o arian sy’n cael ei dderbyn yn y dyfodol. Mae’n ffordd o fesur gwerth cyfredol llifoedd arian yn y dyfodol.

Mae hyn yn bwysig oherwydd mae swm o arian sy’n cael ei dderbyn yn y dyfodol yn werth llai na’r un swm o arian sy’n cael ei dderbyn heddiw. Mae hyn oherwydd cyfraddau llog ac oherwydd cyfraddau chwyddiant.

Gallwch gyfrifo gwerth presennol trwy ddefnyddio’r fformiwla isod:

Lle mae :

PV – Gwerth presennol
FV – Gwerth yn y dyfodol
r – Cyfradd Llog
t – Amser

Ond gallwch hefyd ddefnyddio tablau disgowntio.

Gan fod arian rydych yn ei dderbyn yn y dyfodol yn werth llai nag arian y cewch heddiw, defnyddir gwerth presennol net i werthuso a yw prosiect sy’n talu yn y dyfodol yn werth ei wneud.

Gwneir hyn drwy ddulliau a elwir yn llif arian disgowntiedig a Chyfradd Adennill Mewnol.

Gallwch ddysgu mwy fan hyn:

Gwerthuso Buddsoddiad