Technegau i ddadansoddi data yn effeithiol at ddibenion busnes – Defnyddio data

Defnyddio’r data

Mae’n bwysig defnyddio’r canlyniadau i ddod i gasgliadau dilys. Ambell waith bydd angen data pellach i esbonio’r canlyniadau.

Mesurau gwasgariad

Y gwasgariad yw pa mor bell, ar gyfartaledd, y mae gwerthoedd o’r cymedr.

Edrychwch ar y ddau set o ddata canlynol:

Set ddata A: 7, 3, 5, 5

Set ddata B: 10,1, 2, 7

Y cymedr ar gyfer y ddau set yw 5 (20÷4) ond gallwch weld bod y data yn tueddu i fod yn bellach o’r cymedr yn set ddata B nag yn set ddata A. Gallwch fesur y gwasgariad hwn drwy ddefnyddio gwyriad safonol.

Mae rhifau llai yn dangos bod y data ar gyfartaledd yn agosach at y cymedr tra bod rhifau mwy yn dangos bod y data ar gyfartaledd yn bellach oddi wrth y cymedr.

Mae gan raglenni trin data fel Excel ffwythiannau yn rhan o’r rhaglen ar gyfer cyfrifo gwiriad safonol setiau data mawr.