Dewis o farchnadoedd i weithredu ynddynt

Mae busnesau yn gallu dewis gweithio mewn economïau datblygedig, economïau llai datblygedig neu farchnadoedd datblygol.

Enghreifftiau o’r rhain yw’r Deyrnas Unedig neu wledydd fel yr Unol Daleithiau neu wledydd gorllewin Ewrop. Maent yn gymharol hawdd i fasnachu ynddyn nhw. Mae’r rheolau masnachu wedi eu gosod ac mae’r system sy’n cynnal busnesau wedi ei sefydlu. Fodd bynnag, maent yn gallu bod yn farchnadoedd cystadleuol iawn gyda busnesau lleol yn ogystal â busnesau o wledydd eraill eisoes yn gweithredu yn y farchnad.

Enghreifftiau o’r rhain yw India a Brasil a gwledydd yn y Dwyrain Canol fel Qatar, ymysg eraill. Mae marchnadoedd sy’n datblygu yn cynnig llawer o gyfleoedd ar gyfer twf gan fod eu heconomïau yn tyfu. Mae hyn yn creu cyfleoedd i ennill mwy o gwsmeriaid os yw busnes yn gallu sefydlu ei hun yn y wlad, yn enwedig os oes ganddo frand cryf neu nwydd/gwasanaeth sydd ddim yn cael ei gynnig eisoes yn y farchnad. Fodd bynnag, mae marchnadoedd llai datblygedig neu sy’n datblygu/datblygol yn gallu dod â risg uchel yn eu sgil. Yn aml nid yw eu hisadeiledd (heolydd, systemau dosbarthu, banciau, technolegau cyfathrebu) wedi datblygu yn ddigonol i gynnal busnes yn effeithiol. Mae eu systemau llywodraethol hefyd yn gallu bod yn simsan.