Prisio mewn Marchnad Cystadleuaeth Fonopolistaidd
Mewn cystadleuaeth fonopolistaidd mae busnesau’n wneuthurwyr prisiau ac felly yn gallu dewis eu strategaeth brisio eu hunain.
Dyma rai o’r strategaethau y maen nhw’n gallu eu dewis:
Prisio cost plws
ychwanegu canran (%) at gost cynhyrchu’r nwydd neu ddarparu’r gwasanaeth.
Prisio cystadleuol
gosod yr un pris a’u cystadleuwyr.
Cynnig nwyddau ar golled (loss leaders) – gosod pris sy’n llai na’i gost gynhyrchu er mwyn denu pobl i’r man gwerthu gan obeithio y bydd cwsmeriaid yn prynu nwyddau eraill yr un pryd. Er enghraifft, fe allai cwmni sy’n gwerthu consol gemau cyfrifiadurol gynnig y consol ar bris sy’n is na’r gost o gynhyrchu’r consol er mwyn denu pobl i brynu meddalwedd drud sy’n cyd-fynd â’r consol hwnnw.